Queres opinar sobre as decisións que tomou o Consello da Fundación OSM en 2020 e sobre asuntos de actualidade? A directiva preparou unha enquisa e pide a túa opinión para establecer prioridades.
Podes ver unha copia das preguntas en inglés aquí.
A enquisa está dispoñible en 16 linguas por agora. Imaxe por D. Kazazi, CC-BY-SA 3.0. Logo oficial de OSM por Ken Vermette, CC-BY-SA 3.0 e aplican os dereitos de marca.
Idiomas
Grazas ó voluntariado tradutor, a enquisa está dispoñible en dezaseis linguas polo momento:
Se tes interese en proporcionar unha tradución a un idioma que non figura na lista ou suxerir unha corrección nunha das traducións, envía un correo electrónico a allan@mustard.net
Se desexas axudar coas traducións de respostas non inglesas ó inglés, futuras enquisas ou artigos do blog, envía un correo electrónico a communication@osmfoundation.org co asunto: Helping with translations in [idioma].
Práctica
É preciso proporcionar un enderezo de correo electrónico (onde recibir un token) e resolver unha ecuación para acceder á enquisa.
Hai 18 preguntas, a maioría de opción múltiple e obrigatorias.
Hai unha sección opcional con preguntas demográficas.
Hai varias seccións. Non se pode volver a sección anterior pero si é posible retomala máis tarde.
Ten en conta que as páxinas de información enlazadas na enquisa están en inglés. Please note that pages with background information linked from the survey are in English.
Hai unha discusión sobre a enquisa na lista de correo “talk”, onde agardamos os teus comentarios. Podes rexistrarte na lista de correo talk aquíe. Todas as mensaxes anteriores están dispoñibles aquí.
Poden acceder ás respostas as persoas que conforman o consello actual e o persoal de administración quen procesará a información para o consello.
O enderezo de correo electrónico e os nomes (se se proporciona) de quen participa non serán publicados cando remate a enquisa.
Resultados
Os resultados xerais serán publicados cando remate a enquisa. As enquisas anteriores están dispoñibles aquí.
Data límite para participar: 14 de febreiro de 2021.
Aínda que non participes, agradecemos que difundas a enquisa.
Gaazas por adiantado 🙂
A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.
A OpenStreetMap e ás comunidades da Fundación OSM:
Transmito a seguinte información en nome do Consello de Administración da Fundación OpenStreetMap.
Como resultado da actual controversia sobre linguaxe misóxina na lista de correo osmf-talk, a decisión do Consello é a seguinte:
O Consello atopará persoas socias para axudar na creación dun equipo de moderación para as listas de correo da OSMF. Estas persoas moderadoras precisan ter a confianza da comunidade no que respecta á moderación (consentimento dos gobernados) por algún tipo de mecanismo de aprobación.
Este equipo de moderación comezará a traballar na implementación das directrices actuais de etiqueta o antes posible. Tamén comezaremos a traballar na actualización / substitución das nosas regras de etiqueta, que deberían centrarse en equilibrar os intereses de calquera que participe.
Pedímoslle ao Grupo de traballo de capítulos e comunidades locais (LCCWG) que tomase o liderado neste sentido e que traballase con quen asinou a carta aberta ao Consello, así como cos membros do Comité Especial de Diversidade e Inclusión, para desenvolver propostas que o Consello poderá revisar na súa reunión de xaneiro. O grupo de traballo aceptou esta tarefa. Este número aparecerá na orde do día da reunión do Consello de Administración de xaneiro, a hora e data exactas aínda están por determinar, aínda que como é habitual publicarase no portal web da Fundación con bastante antelación.
As persoas que formamos parte da comunidade OSM son, como sempre, benvidos a compartir as súas opinións e calquera información relevante sobre este asunto, ben publicamente a través de osmf-talk, ou de forma privada en comunicacións directas co LCCWG. Síntome na obriga de lembrar a todos os membros da comunidade que desde xuño de 2011 existe un Código de Etiqueta e se vixía o seu cumprimento por toda a comunidade.
O Día Internacional das Persoas con Diversidade celébrase cada 3 de decembro e desde OpenStreetMap queremos sinalar este día dicindo: “O noso obxectivo é ser o mellor mapa mundial para a accesibilidade”. OpenStreetMap é desde hai moito tempo un recurso para mapear e compartir datos abertos sobre características relacionadas coa diversidade funcional.
Imaxe de: WheelMap, foto de: Andi Weiland, gesellschaftsbilder.de
Jean-Marie Favreau da Universidade Clermont Auvergne explicou:
O punto forte de OpenStreetMap é que permite a calquera persoa achegar datos de accesibilidade, xa sexan autoridades locais, asociacións de persoas usuarias ou colaboracións individuais. Ó ser un proxecto global, facilita o intercambio de observacións e aprendizaxes de como varían os equipos, hábitos e prácticas de accesibilidade en diferentes países. Finalmente, os datos son comúns e están xestionados por unha comunidade, polo que reflicten con maior precisión a realidade dos territorios que mapea.
Nick Bolton da Universidade de Washington engadiu:
Cando as persoas con diversidade buscan información nun mapa, atopan que falta moita sobre accesibilidade ou que non ten en conta as súas preferencias persoais. Nin as empresas nin as axencias gobernamentais están a crear de forma consistente datos de mapas peonís conectados e o suficientemente flexibles para satisfacer as diferentes preocupacións expresadas polas persoas con diversidade. OpenStreetMap é moi axeitado para cubrir este baleiro informativo xa que ten un modelo de datos flexible e extensible democraticamente, as persoas locais poden mapear sen esperar a que unha axencia ou empresa dedique recursos ou asuma responsabilidades e todos os datos son publicados e examinados inmediatamente polo público.
Estamos moi contentos de que OpenStreetMap satisfaga esta necesidade. Segue a ler para coñecer as aplicacións para persoas con diversidade, e as formas de contribuír ó mapa.
Aplicacións para a accesibilidade
Hai moitas aplicacións e proxectos de investigación para persoas con diversidade que utilizan OpenStreetMap para reunir e compartir datos sobre accesibilidade e para comunicar datos de xeito apropiado.
OUnha das aplicacións máis coñecidas para rastrear e compartir datos de accesibilidade é Wheelmap. Wheelmap axuda a atopar e etiquetar a accesibilidade para cadeira de rodas dos puntos de interese. Hai aplicación para Android e iPhone. Na actualidade están levando a un cabo unha importante campaña para mapear a accesibilidade dos locais de test da Covid-19. Svenja Heinecke compartiu máis sobre Wheelmap no Estado do Mapa 2018.
Os datos sobre as beirarrúas son críticos para a navegación accesible. OpenSidewalks céntrase no desenvolvemento de esquemas de etiquetaxe e ferramentas para recoller datos de accesibilidade das aceras, e o seu proxecto irmán AccessMap crea planos de rutas accesibles individualizados para persoas con problemas de mobilidade. Ambos son proxectos do Centro Taskar da Universidade de Washington. Este enfoque foi recoñecido pola comunidade italiana OpenStreetMap en Padua e Milán, coa contribución de persoas con diversidade, estudantes de secundaria e novas persoas cartógrafas.
E despois está a navegación en interiores. AccessbileMaps é un proxecto da Universidade Técnica de Dresden en colaboración co Instituto Tecnológico de Karlsruhe e está centrado na accesibilidade en interiores. Desenvolveron ferramentas para mapear edificios co esquema de Etiquetado Simple de Interiores, especialmente información de accesibilidade, e producen aplicacións empregando datos de interiores de OSM para persoas con diversidade funcional visual para organizar viaxes.
Un mapa táctil de Touch Mapper impreso en 3D en uso
Despois, estes datos deben usarse de formas axeitadas e a creatividade e a innovación son inspiradoras.
O mapas táctiles axudan ás personas con diversidade visual a navegar polo seu contorno. Touch Mapper emprega impresión en 3D para crear mapas táctiles a partir dos datos de OSM.
Soundscape de Microsoft Research axuda ás persoas con diversidade visual a crear mellores mapas mentais dos seus arredores para a navegación. Usando audio para describir os lugares, poden explorar dunha forma máis natural e intuitiva e sentirse máis cómodas e conectadas en novos ambientes. A aplicación está construída sobre datos de OpenStreetMap.
O proxecto de investigación Compas da Universidade de Clermont Auvergne desenvolve ACTIVmap en asociación con outras persoas investigadoras académicas e do sector privado para construír mapas multimodais aproveitando a retroalimentación táctil, sonora e háptica para representar e interactuar coa información xeográfica.
Como podes axudar?
Unha captura de pantalla da edición da información de accesibilidade en StreetComplete
Por suposto, tamén podes engadir etiquetas relacionadas coa discapacidade cos editores habituais de OpenStreetMap como JOSM e iD e aplicacións móbiles como Vespucci, StreetComplete, OsmAND e Go Map!!.
Pavimento táctil (tactile_paving=yes/no) e mapas con información táctil (information=tactile_map)
Prazas de aparcamento designadas (amenity=parking_space + access=no + disabled=yes/designated)
Sinais de tráfico con son (traffic_signals:sound=yes/no)
Información de accesibilidade para chanzos, como a presenza de pasamáns (handrail:left/right/center=yes/no), o número de chanzos (step_count=*) así como a existencia dunha rampa (ramp=yes/no) e o tipo
Accesibilidade para cadeiras de rodas en tendas e outros servizos (wheelchair=yes/limited/no) como baños (toilets:wheelchair=yes/no)
Hai moitas outras formas de axudar, documentedas no wiki. Por exemplo, promocionar OpenStreetMap con amizades que teñen algunha diversidade e preguntar como OSM podería axudarlles. É posible tamén organizar unha festa de mapeo centrada neste tipo de funcións, traducir as nosas páxinas wiki sobre discapacidade a outros idiomas ou crear novas aplicacións de navegación para persoas con discapacidade.
O sistema de etiquetaxe de forma libre de OSM sempre está en evolución. Se hai algo que cres que debería estar mapeado en OSM, pero non o está, podes axudar a orientar ese proceso cara a unha edición máis ampla.
Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]
A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.
OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.
Se contribúes de forma significativa ó proxecto OpenStreetMap, deberías ter voz na Fundación OpenStreetMap, que apoia o proxecto, e poder votar os e as membros do seu Consello de administración. Agora existe un xeito máis sinxelo e barato de se converter en membro da Fundación OpenStreetMap:
Os voluntarios do Grupo de traballo de membros da OSMF acaban de implementar un novo programa de adhesión para persoas que contrinbúen activamente, co que podes solicitar de forma fácil ser membro asociado da Fundación e que non precisa do pago da cota de afiliación.
Que podo facer como membro asociado da OSMF?
Podes votar ás persoas candidatas ó Consello nas eleccións.
Podes votar algúns temas durante as asembleas xerais (pero non todos).
Tes a opción de recibir unha única comunicación diaria, que contén todos os correos electrónicos dese día.
Non dubides en enviar correos electrónicos no teu idioma 🙂
Poderás dicir con orgullo que es membro da OSMF 🙂
Como funciona?
Automáticamente concederemos a condición de membro asociado ós cartógrafos que o soliciten e que teñan contribuído polo menos 42 días naturais no último ano (365 días).
Non todo o mundo contribúe co mapeo, e algúns dos nomes máis familiares dos nosos membros apenas se mencionan nos mapas. Algunhas persoas están moi implicadas, por exemplo, na organización de conferencias. Tamén se recoñecen estas outras formas de contribución. Se o teu non é o cartografado, e non chegas a estes 42 días, esperamos que escribas un parágrafo ou dous sobre o que fas en OpenStreetMap. O Consello decidirá en votación a aprobación da túa solicitude.
Como podo saber cantos días de cartografía teño?
Podes obter unha estimación con ferramentas como Pascal Neis Como contribuíches, que debería ser o suficientemente precisa para a maioría dos casos.
Se tes uns bos coñecementos técnicos e queres comprobar os teus días de mapeo, usa a API de cambios de OSM para consultar as túas modificacións. A continuación, podes recoller todas as datas únicas nos atributos created_at dos conxuntos de cambios e contar cantos días únicos tes nos últimos 365 días.
Gustaríame converterme en membro a través do programa de persoas que contribúen activamente!
● Se cumpres o requisito da actividade de cartografado (polo menos 42 días de mapeo nos últimos 365 días), enche este formulario para obter a túa adhesión ó programa de persoas que contribúen activamente.
O teu enderezo de correo electrónico (onde se enviarán as papeletas das votacións e que será o enderezo de correo electrónico asociado á participación na lista de correo dos membros da OSMF, se decides subscribirse)
Durante canto tempo será válida a adhesión?
De igual xeito que a adhesión de pago, a adhesión con exención da cota ten caracter anual. Recibirás un recordatorio e poderás solicitar a renovación, cun trámite similar á solicitude inicial. A comprobación da actividade de cartografado de polo menos 42 días naturais do último ano terá lugar no momento en que solicite a renovación ou, de ser o caso, o envío dun parágrafo ou dous sobre o que fai para OpenStreetMap.
Que máis necesito saber?
Por lei, calquera membro da OSMF pode inspeccionar o rexistro de membros (pedimos o propósito antes de envialo, e normalmente non está permitida a distribución por parte do destinatario). O programa ó abeiro ó que se uniu cada persoa non aparece na listaxe. Si están o nome, o estado, o correo electrónico e un dos nomes de usuario de OSM.
Por que existe este programa de adhesión para persoas que contribúen activamente?
Ó invitar a membros moi activos da comunidade a unirse á OSMF, facémonos máis resistentes ós intentos de absorción mediante inscricións masivas. Pensamos que, mesmo para os e as cartógrafas para os que as 15 libras da cota non son moitos cartos, estarían máis dispostos a unirse, se os convidamos a unha adhesión gratuíta polo seu bo traballo. Ademais, a contribución activa ó proxecto é máis fácil de avaliar que as dificultades financeiras e non require que o solicitante revele información persoal. A posible perda de ingresos de cotas individuais non é unha ameaza para a nosa estabilidade financeira. De feito, hai bastantes membros ós que lles gusta doar máis de 15 libras. Estas doazóns non teñen que estar vinculadas a ningún membro.
Por que 42 días de cartografado?
Os días de cartografado non son a medida perfecta, pero necesitamos un punto de referencia obxectivo, fácil de verificar e sinxelo de medir e implementar. Por que 42 días? Se medimos as contribucións en cartografía en días dos membros da OSMF que mapean (o 83%), aproximadamente a metade deles superan estes 42 días ó ano. Agardaríamos unha achega “lixeiramente excepcional” en termos de cartografía.
Como se dividen os meus cambios en días para medir 42 días de mapeo
Para medir os días de cartografado utilízase a marca de tempo creada en cada conxunto de cambios. Normalmente, todos os cambios nun modificativo teñen a mesma marca de tempo. O día defínese en UTC desde a medianoite ata a medianoite seguinte.
Conta o cartografado pagado?
O programa de persoas que colaboran activamente está aí para avaliar o compromiso co proxecto. En primeiro lugar, cremos que o demostran as actividades dos voluntarios do proxecto. Se organizas ou realizas mapeado para OSM como parte do teu traballo remunerado, iso non é necesariamente un sinal de compromiso co proxecto. De xeito predeterminado, non incluiriamos estas actividades como elixibles para este tipo de adhesións. Pero non dubides en explicar as túas contribucións e o Consello avaliará o caso.
Pódese facer trampa?
Tamén contemplamos o abuso. Cando recibimos unha solicitude, contactamos coa(s) conta(s) de OpenStreetMap mencionada(s) a través do sistema de mensaxería de OSM para confirmar que son propiedade da persoa que solicitou a adhesión. Por suposto, pódense facer pequenas contribucións, como mover un único nodo durante 60 días, quizais pasar desapercibido e lograr a adhesión. Iso sería unha fraude e a adhesión podería ser revogada se o Grupo de traballo de membros da OSMF descobre que as contribucións non son importantes.
E o antigo programa de exención de cotas?
O programa de adhesión para persoas que contribúen activamente está a substituír o antigo programa de exención de cotas (iniciado en xaneiro de 2018), no que se eximía á cota de afiliación en casos de dificultades económicas ou falta de capacidade adecuada para a realización da transferencia de diñeiro. O cambio foi posible mediante unha votación durante a Asemblea Xeral anual de 2019. Tanto a regra da dificultade financeira como a de falta de transferencia de cartos adecuada serán eliminadas completamente porque, aínda hoxe, esperamos que alguén que cumpra esas regras amose algún tipo de contribución, polo que tamén podería ser elixible co novo programa.
As principais diferenzas entre persoas membro normais e asociadas son as seguintes:
As persoas membro normais teñen que proporcionar o seu enderezo de residencial completo.
As persoas membro normais poden votar todos os temas durante as asembleas xerais, mentres que as asociadas só se poden facelo nalgunhas cuestións.
As persoas membro normais poden ser candidatas ao Consello e converterse así en membros deste.
Pode cambiar o seu tipo de adhesión. Ponte en contacto co Grupo de traballo de membros (o enderezo de correo electrónico está máis abaixo) para obter máis información.
Grazas 🙂 Necesitamos a túa axuda e podes marcar a diferenza uníndote ó Grupo de traballo de membros. Envíanos un correo electrónico a membership@osmfoundation.org
Como membro do Grupo de traballo, pode axudar a:
Administar o rexistro de membros.
Responder a preguntas de rutina, como que tipo de afiliación ten alguén (normal ou asociado) ou cando terá que renovala.
Axudar co traballo manual para emparellar as transferencias bancarias de membros para novas inscricións e renovacións.
Resolver outros problemas relacionados coa incrición ou a renovación. Se te unes ó Grupo de traballo, poderás participar tanto como queiras.
Nome de usuario de OpenStreetMap (obrigatorio). O nome de usuario de OpenStreetMap úsase para verificar que se cumpre o requisito de cartografado de 42 días nos últimos 365 días. Enviarase unha mensaxe á túa conta. Ten en conta que o teu nome de usuario distingue entre maiúsculas e minúsculas.
Subscribirme á listaxe de correo OSMF-Talk. (Podes subscribirte ou desubscribirte manualmente). Subscribirme.
Nome de usuario de OpenStreetMap (obrigatorio). O nome de usuario de OpenStreetMap úsase para verificar que se cumpre o requisito de cartografado de 42 días nos últimos 365 días. Enviarase unha mensaxe á túa conta. Ten en conta que o seu nome de usuario distingue entre maiúsculas e minúsculas.
Subscribirme á listaxe de correo OSMF-Talk. (Podes subscribirte ou desubscribirte manualmente). Subscribirme.
Comparte o alcance de como estás a contribuír a OpenStreetMap. (obrigatorio). Necesitamos algún xeito de verificar a túa contribución. Para iso, recomendámosche citar a membros da comunidade ou a organizacións coas que traballas e que conozan as túas contribucións.
Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]
A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.
Inda que o noso proxecto ten “street” (rúa, en inglés) no nome, hai catro veces máis edificios que estradas en OpenStreetMap!
O recentemente publicado Cesium OSM Buildings do noso membro corporativo máis novo, Cesium, é unha capa global de edificacións en tres dimensións con máis de 350 millóns de construccións 3D feitas enteiramente a partir de OpenStreetMap. Cesium OSM Buildings sérvese empregando 3D Tiles, un formato estándar e aberto de transmisión de datos 3D, desenvolvido na súa orixe por Cesium.
“OpenStreetMap conta con fantásticos datos 3D de edificios en cidades de todo o mundo. É un testamento da destreza e do duro traballo reralizado polos mapeadores e as mapeadoras desta comunidade”, dixo Mikel Maron, do Consello da Fundación OpenStreetMap. “Agradecemos o apoio de Cesium e a promoción do proxecto como membro corporativo, e ó engadir os datos de OpenStreetMap á súa plataforma fan avanzar a nosa misión de que os datos de OSM sexan utilizados o máis posible.”
Cesium,que comezou como un proxecto nunha empresa de software aeroespacial, leva mantendo o seu globo virtual de código aberto, CesiumJS, desde 2011. CesiumJS superou hai pouco o millón de descargas e a súa comunidade de desenvolvedores e desenvolvedoras constuíu centos de aplicacións para docenas de industrias.
A oferta de Cesium engádese á vibrande comunidade de proxectos que xa fan uso dos datos de OSM de construccións. O proxecto OSM Buildings é un visor web de edificios en 3D libre e de código aberto baseado en OSM. Tamén existe software aberto de renderizado 3D baseado en OSM para Blender e en moitos outros proxectos. OpenBuildingMap é unha xanela a OpenStreetMap centrada nos edificios e que prové dun subconxunto de datos de OSM filtrado con unicamente información sobre edificios.
OpenStreetMap– máis que edificios OpenStreetMapé un proxecto internacional para crear un mapa gratuíto do mundo. Para iso, nós, miles de voluntarios e voluntarias, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.
Despois das consultas con comunidade e membros a través dos canais OSM-talk e OSMF-talk, respectivamente, e en resposta ás necesidades expresadas polas persoas desenvolvedoras de iD, o Consello da Fundación OSM propón a creación dun pequeno xurado, o Xurado para a resolución das disputas no software (“Xurado”), quen, previa solicitude, tratará de resolver as disputas sobre as características do editor iD. Outros softwares de OSM tamén poderán empregar este Xurado se así o deciden. Pregamos que se fagan comentarios sobre esta proposta na lista de correo OSM-talk (rexistro para OSM-talk).
Antecedentes
Inda que é relativamente raro, comparado co volume total de actualizacións, modificacións e melloras realizadas co editor de iD co paso do tempo, as polémicas xurdidas ó redor de cambios en iD ameazaron o proxecto debido ás respostas emocionais dalgunhas persoas implicadas nas disputas. Estas controversias son indesexables e non podemos permitir que prexudique a OSM ou a comunidade OSM. Por iso, a suxestión das persoas promotoras de iD, a Fundación OSM busca un método para resolver de forma amigable as controversias que poidan xurdir a través dun mecanismo que estea baixo o control da propia comunidade OSM.
Proposta
O Consello da Fundación OpenStreetMap (“Fundación”) creará un Xurado para a resolución das disputas no software (“Xurado”) con cinco membros. Calquera membro da Foundación pode ser escollido para formar parte deste grupo. As auto-seleccións (voluntarios/as) son benvidas. O Consello escollerá cinco persoas desta selección.
No inicio, o Xurado só tratará as disputas sobre cambios no editor iD. Se os desenvolvedores e desenvolvedoras doutros softwares relacionado con OSM desexan utilizar posteriormente o Xurado, poderán solicitar a súa inclusión nel. A opción de cooperar co Xurado é voluntaria e, por exemplo, non será considerada nas decisións da OSMF relacionadas co financiamento.
Unha vez estea incluído un software no mandato do Xurado, este será o lugar onde se resolverán as controversias sobre el sen excepcións, sempre que non se podan resolver doutra forma no debate diario da xestión do proxecto. Os desenvolvedores e desenvolvedoras poden solicitar a resolución de disputas en calquera momento. Os membros da comunidade poderán, despois de que se puxesen en coñecemento das persoas desenvolvedoras os seus problemas e traballasen a través dos seus procesos, soliciten que o Xurado resolva as controversias. O Xurado pode negarse a responder a calquera solicitude cando o debate comunitario sobre o tema continúe vivo ou as solicitudes se consideren abusivas, repetitivas, frívolas ou espurias. Os membros poden recorrer ao Consello da OSMF se cren que se desestimou inxustamente un proceso de resolución.
O Xurado estará facultado para solicitar a asistencia de expertos na materia co obxectivo de estudar e resolver controversias, como as relacionadas con etiquetas preestablecidas. O Xurado examinará todas as partes en calquera disputa e ditará unha resolución. Cando se trate de funcións relacionadas coa etiquetaxe, o Xurado desaconsellará as configuracións predeterminadas controvertidas ou as regras de validación que non están baseadas en prácticas óptimas e xa establecidas. O Xurado revisará a documentación existente, os votos recentes da comunidade, os números de uso e as discusións pasadas e pode convocar expertos no tema. Ó solicitar a inclusión no mandato do Xurado, os e as desenvolvedoras aceptan de antemán quedar vinculados ás decisións que este tome.
Duración do mandato
O mandato dos membros do Xurado será de dous anos, coa excepción de que no primeiro ano de funcionamento, dous dos membros terán un mandato dun só ano. Deste xeito, cada ano, dous ou tres membros do Xurado deberán renovarse, o que permite certa superposición e tamén memoria institucional. Os membros poden ser nomeados ata dúas veces, pero deberán dimitir despois dun máximo de tres mandatos consecutivos e poderán ser nomeados despois dunha interrupción dun mandato.
Composición, conflitos de intereses
Os membros do panel deben ter antecedentes como persoas colaboradoras voluntarias do proxecto OpenStreetMap. Ó nomear os membros do Xurado, o Consello esforzarase para que a composición do Xurado (membros) reflicta todos os intereses da comunidade OSM en xeral. Os membros non deben participar nos casos de produtos de software desenvolvidos, total ou parcialmente, por empregados da mesma organización. Aplicaranse ó Xurado unhas normas de conflito de intereses semellantes ás do Consello e os grupos de traballo da OSMF.
Transparencia
As decisións do Xurado quedarán gravadas no sitio web da OSMF, onde o Xurado terá a súa propia páxina.
Avaliación
A decisión da creación do Xurado será avaliada polo Consello e nun debate público entre as persoas membro da Fundación logo dun ano.
Antes da creación do Xurado, e como parte da avaliación ó ano, o Consello da OSMF verificará que os grupos de traballo existentes non están interesados en engadir esta responsabilidade ó ámbito do seu grupo.
A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.
OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.
O 16º aniversario de OpenStreetMap ímolo celebrar o 8 de agosto de 2020!Imaxe: Datos dun mapa ficticio renderizado co estilo estándar de osm.org (osm-carto). CC-BY-SA 3.0, aplican os dereitos de autoría.
O sábado 8 de agosto de 2020 imos celebrar os 16 anos de OpenStreetMap!
Planeas facer unha festa en liña ou un mapatón?
Podes empregar o servidor de vídeo BigBlueButton da Fundación OpenStreetMap! Para obter unha conta gratuíta e a túa propia sala de vídeoconferencias, por favor, rexístrate.
Podes usar a túa sala de videoconferencias You can use your video room mesmo despois do aviversario, para calquera evento relacionado con OSM.
Os e as membros da comunidade cunha banda larga deficiente poden beneficiarse dos axustes para conexións lentas de BigBlueButton.
Por favor, engade o teu evento no wiki de OSM! Se editar o wiki non é o teu, envía un correo a communication@osmfoundation.org cos detalles do teu evento e xa o engadiremos nós.
Outras ideas
Publicar unha mensaxe sobre por que adoras OpenStreetMap
Se as túas fotos levan o texto “CC-BY-SA 2.0” (ou outra licenza aberta) poderemos engadilas ó wiki de OSM (ou séntete libre de engadilas ti mesmo! ~ rexístrate aquí).
Tés máis ideas? Compárteas nos comentarios 🙂
Únete a nós!
O 9 de agosto celébrase o aniversario da creación do OpenStreetMap, que é a data do rexistro do nome de dominio OpenStreetMap.org. O concepto de OpenStreetMap é anterior ó rexistro dos nomes de dominio, pero nos parece unha boa data para o aniversario 🙂
Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]
A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.
OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.
ÖPNVKarte, unha nova capa destacada en osm.org. Teselas cortesía de MeMoMaps.
OpenStreetMap.org ten agora unha nova capa destacada que amosa datos enriquecidos de diversas rutas: ÖPNVKarte.
ÖPNVKarte é un mapa de transporte público que amosa rutas de transporte público de trens, tranvías, ferrocarrís lixeiros, autobuses, transbordadores, metro e tamén puntos de interese para viaxeiros do transporte público. Melchior Moos, o creador da capa, espera que a inclusión no sitio global “axude e premie ós mapas de todo o mundo facendo máis visibles os seus esforzos de mapeo de transporte público”.
A lenda do mapa ÖPNVKarte pode atoparse no portal web de ÖPNVKarte https://öpnvkarte.de (e tamén en OpenBusMap.org). Para os que se preguntan polo nome, provén do alemán para “mapa de transporte público”.
“Humanitario” (teselas de HOT OSM, hospedada por OSM Francia)
O Grupo de traballo de operacións de OSM está interesado en novas capas destacadas que poñen de relevo diferentes aspectos de OpenStreetMap e podes ler aquí os criterios.
Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]
O Grupo de traballo de operacións é un dos Grupos de traballo de voluntariado daFundación OpenStreetMap.A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.
OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.
Un dos produtos importantes da comunidade OpenStreetMap é a capa de mapas de estilo estándar en openstreetmap.org. Esta ten licenza CC BY-SA 2.0 practicamente desde a súa creación. Nese momento, os datos de OpenStreetMap tiñan licenza neses mesmos termos, sen embargo, hai 8 anos cando cambiamos a licenza de datos a ODbL 1.0, pero non cambiamos a licenza das teselas deixándoa tal e como estaba.
Co paso dos anos, este provocou unha situación na que o uso das teselas (as imaxes individuais que forman o mapa mque se amosa) estivo suxeito máis a restricións legais das necesarias e inhibiu o uso de imaxes en moitos proxectos o que non debería de ter sido así. O absurdo desta situación pode ser máis evidente se consideramos que se pode tomar o estilo do mapa con licenza CC0 e os datos de OSM e producir as mesmas imaxes só quedando restrinxido polos termos do ODbL para obras derivadas.
Durante moitos anos estivo claro que a situación era insostible e creaba friccións con terceiros (por exemplo, con PLOS One) sen motivo polo que deberíamos pasar a unha licenza só de atribución. Non obstante, a pregunta principal para a cal o Grupo de traballo de licenzas non tiña resposta foi: “que licenza deberían ter as teselas no futuro?”. Dado que as licenzas son dez centavos por cada ducia, isto non suporía un problema, sen embargo, fóra das licenzas usadas por organismos gobernamentais (é dicir, OGL e derivados), non hai unha licenza popular e recoñecida de “só atribución” xa en uso e queriamos evitar crear a nosa sempre que fose posible.
En 2019 presentamos ó consello da Fundación OpenStreetMap cunha proposta para cambiar á licenza CC BY 4.0 xunto cunha renuncia a eses termos que van máis aló da exixencia da atribución. O noso razoamento foi que sería preferible empregar unha etiqueta coñecida e renunciaríamos a termos que tanto os licenciatarios como os licenciantes polo normal ignoran, polo que aínda que non se entendesen as complicidades legais, as cousas sairían ben.
A proposta nin sequera fora discutida polo consello cando se atopou coa oposición masiva da comunidade. Aínda que o Grupo de traballo de licenzas cre que o razoamento da oposición é incorrecto, remitimos a proposta ao consello a principios deste ano, esta vez simplemente afirmando que as teselas deberían ser licenciadas como unha obra derivada ODbL sen termos adicionais. Isto xa fora discutido como unha alternativa e parece ser unha solución ben aceptada para o problema. O texto legal relevante pódese atopar no 4.3 do ODbL https://opendatacommons.org/licenses/odbl/1-0/index.html e esencialmente só require a atribución de forma adecuada.
O mes pasado o consello aceptou a proposta e puxo a estrada en vigor da nova licenza para o 1 de xullo de 2020. Se ben poderemos cambiar o texto na versión inglesa da páxina “Dereitos de autoría” de openstreetmap.org, as traducións aínda tardarán un pouco e pedimos paciencia a todos ata que todo se adapte.
Queres traducir este e outros artigos á túa lingua? Envía un correo electrónico a communication@osmfoundation.org co asunto: Helping with translations in [a túa lingua]
A Fundación OpenStreetMap é unha organización sen ánimo de lucro, formada para apoiar o proxecto OpenStreetMap. Dedícase a fomentar o crecemento, desenvolvemento e distribución de datos xeospaciais gratuítos para que calquera os poida usar e compartir. A Fundación OpenStreetMap posúe e mantén a infraestrutura do proxecto OpenStreetMap, está financiada con cotas e doazóns e organiza de forma anual a conferencia internacional do Estado do Mapa. Non ten empregados a xornada completa e apoia o proxecto OpenStreetMap a través dos nosos grupos de traballo. Por favor, considera facerte membro da Fundación.
OpenStreetMap foi fundado en 2004 e é un proxecto internacional para crear un mapa gratuíto do mundo. Para iso, nós, miles de voluntarios, recollemos datos sobre estradas, ferrocarrís, ríos, bosques, edificios e moito máis a nivel mundial. Os nosos datos de mapas poden ser descargados gratuitamente por todo o mundo e usados para calquera propósito, incluído o uso comercial. É posible producir os teus propios mapas que resalten certas características, calcular rutas etc. OpenStreetMap úsase cada vez máis cando se precisan mapas que se poidan actualizar moi rápido ou facilmente.
